Oba bi ye fre no Ata na one ne 'ba slim' se ye ko afwee. Ye ko duruu asuo nom', ne 'ba no se, "Ma yenko asutifi." N'aberewa no se, "Ma yenko asunafuo na asunafuo na nkawa wo. Ne 'ba no se, "Me dee me ko asutifi na asutifi na nkawa wo." Na oni siim' koo asunafuo. Ye hyeem', hyeem', hyeem', na ne 'ba no anya bi, na waba, na obesen ako pe oni. Obe koro, oni kora 'na ete asuo ani. Akoda no see, "A! Nye'ko, nye 'no, eno kora ni." Na omaa so, su free oni se:

" Me kaye o, na w'antie, me sey'o, na w'antie,

Me kaa se, ' Ena ma yenko asutifi, na asutifi na nkawa wo,'

Na osee ono so oko asunafuo, na asunafuo na nkawa wo.

Na me ye den ni o! Eno Ata e, mhm! "

Na Osansa baye; ose, "Akoda wo dwom yi'ede, na to na me nyi wo 'ni mma wo." Na Akoda no ara so:

"Me kaye o, na w'antie, me sey'o, na w'antie,

Me kaa se, ' Ena ma yenko asutifi, na asutifi na nkawa wo,'

Na osee ono so oko asunafuo, na asunafuo na nkawa wo.

Na me ye den ni o! Eno Ata e, mhm! "

Na Osansa de no bodua fwee asuo no ani, na asuo no gyinaa dee egyina. Na ono 'ko. Na 'Pete Kokosakyi baye, na ono nso see, " To dwom no, ma mentie na me nyi wo 'ni mma wo." Na Akoda no ato dwom no:

" Me kaye o, na w'antie, me sey'o, na w'antie,

Me kaa se, ' Ena ma yenko asutifi, na asutifi na nkawa wo,'

Na osee ono so oko asunafuo, na asunafuo na nkawa wo.

Na me ye den ni o! Eno Ata e, mhm! "

Na ono so de bodua fwee asuo no ani, pasa! Na ono so koye. Na Anene so aba. Ose, "Akoda aden na wo su seyie, su ma mentie na me nyi wo 'ni me mma wo." Na akoda no ato dwom no:

" Me kaye o, na w'antie, me sey'o, na w'antie,

Me kaa se, ' Ena ma yenko asutifi, na asutifi na nkawa wo,'

Na osee ono so oko asunafuo, na asunafuo na nkawa wo.

Na me ye den ni o! Eno Ata e, mhm! "

Anene yii dufa de too asuo nom', na ode ne bodua fwee asuo no ani, na asuo nom' tee mmienu; na ose, "To dwom no"; na akoda no ato. Na wahuno oni tiri nwi; na wasere kakra. Ose, "To bio," na wa to. Na oni afi ama abedu 'nasenem'. Anene se, " Koso na to." Na akoda no ato, na oni afi abeduru ne naase. Ose, " To bio "; na wato. Oni huriye preko, ne kokooso. Ata se, "Anene me mfa 'deeben na me nna w'ase? " Ose, "Me dee, me mpe biribiara na koto birisi ne nwera." Ata di mmirika ko to baye de bree Anene, na Anene 'de birisi no furaye, na ode nwera no boo no konm'. Ene se wo behuno Anene, na n'akyi tumm, na ne konm' fita. Na

akyedie a onyaaye, fri Ata ho no no.

M'anansesem a metooye yi, se eye de o, se ennye de o, monnye bi nni, na momfa bi mpene me.