Opete ne Anene na ye wo ho, na Anene se, "Ma yenko twa 'twene bi na yennoro ho." Ye siim'koo wuram', na ye ko too onyina. Opete hunu onyina na ose, "Me dee ne yei, na me na me ye opan ini nti me na metwa kesie." Anene se, "Mate." Anene 'so se ofwe, obefwe se tweneboa na esi ho yi, na ono soso ko twaye. Yen nnyina senee atwene.

Opete se obo ne twenem', eno a ne se:

Futuru! Futuru! manya ntem!

'Pete Kwakye! manya ntem!

Anene so boo ne deem', eno a ne se:

Anene Kwa! Kwa! Anene Kwa! Kwa!

Ye goro, goro, goro, na 'Nyame teeye, na osomaa Akroma baye, ose, "Ago!" Ye se, "Ame!" Ose, " 'Nyame se wate agoro bi ha, na nti momfa mmera mmego' ma no ntie," Mmoa no siim' koo 'Nyame anim', na ye goro, goro, goro na 'Nyame se, "Mate eye de, agoro mmienu 'ye de nti mekye mo adee." Enie 'Nyame ko faa nnaka mmienu besisii ho, bako ho fefefe, ebini ma se yiara to, bako nsoso eho tantantan, sika ma se yiara to. 'Nyame se, "Mo mmienu mmefa." Opete se, "Me na me ye opan'ini, na ma me nkoyi bi kane. Okoye no, okoyii dee 'ho fefefe no, Anene so koyii dee 'ho tantantan no. Ye maa so, na ye de koo ye kurom'. Ye ko biee so, Opete se ofwe no dee, ebini pakyia! Anene nso se ofwe no dee, sika se yi a gon! Ankyere bi a na obofuo baye, na obeka kyeree 'Pete se, "Ye se w'Ase awu." Ose,

"Anene ma me pokwa bako memmo mensa na me nko ayie." Ode pokwa no booye, na okoo ayie no. Ose oko yane so, osene so, ose osore, na pokwa no ate agu yane nom'. Ose, "Ye! Anene adee ayera, na me ko 'fie sen?" Ohuri sii yane nom'na ope.

Ene se, wo behuno 'Pete da, na ofwete fwete yanem', na ope Anene pokwa abere no.

Nti na mpan'infuo se adufurupe nnye.

M'anansesem a metooye yi, se eye de o, se ennye de o, monnye bi nni, na momfa bi mpene me.